Gwyneth Paltrow, femra më e bukur në botë

Magazina amerikane "People" ka shpallur të mërkurën Gwyneth Paltrow si femrën më të bukur në tërë rruzullin tokësor për vitin 201.

Aktorja shfaqet në kopertinën e revistës për muajin prill nën titullin “Gruaja më e bukur në botë”, numri i ri i së cilës del në shitje ditën e premte.
Ajo shprehet se e gjithë merita e bukurisë së saj qëndron tek familja e mrekullueshme që ka. Në një intervistë për ‘People’, Paltrow ka thënë se kur ndodhet me familjen e saj i pëlqen të jetë sa më komode, vesh xhinse dhe rri gjithë kohës pa make up.

Edhe kryeredaktori i revistës tha se gjedhja u bë pasi publiku shpesh gjen veten tek aktorja e cila është një bashkëshorte dhe nënë që bën një balancim të jetës personale dhe karrierës.

Aktorja fituese e çmimit Oskar shquhet për format e saj perfekte të trupit, kjo falë edhe ushtrimeve të vazhdueshme fizike
40-vjeçarja i ka marrë “kurorën” Beyonce-s, e cila u shpall më e bukura e vitit 2012.

Kerry Washington, Amanda Seyfried, Zooey Deschanel, Jane Fonda, Kelly Rowland, Drew Barrymore dhe Pink, janë po ashtu pjesë e listës së bukurosheve të botës.