Hapet panairi “Art Basel” 2013

Numri më i madh i ekspozuesve këtë vit vjen nga SHBA, të ndjekur nga Gjermania dhe Britania e Madhe

Në Bazel është hapur të enjten panairi më i madh në botë i artit bashkëkohor “Art Basel”. Hapja e tij për një publik të zgjedhur (kuratorë, koleksionarë arti etj.) ishte bërë dy ditë para kësaj, por, nga 13 qershori në këtë panair kanë mundur të ketë qasje edhe publiku i gjerë.

Punime të të gjitha zhanreve të arteve pamore nga e gjithë bota do të prezantohen në këtë panair unik në botë. Për herë të parë këtë vit janë të pranishëm edhe tregtarë të veprave të artit nga Singapuri dhe Filipinet.

Në ditët e para të panairit kanë qenë më shumë të prezantuara veprat nga arti abstrakt dhe përfaqësuesit më të rëndësishëm të këtij arti në botë. Numri më i madh i ekspozuesve këtë vit vjen nga SHBA, të ndjekur nga Gjermania dhe Britania e Madhe.

Panairi pret edhe këtë vit të vizitohet nga më shumë se 60 mijë vizitorë.