IKSHPK bën thirrje për zbatim të rekomandimeve për mbrojtje nga koronavirusi në këtë ditë feste

Instituti Kombëtar i Shëndetësisë Publike të Kosovës u ka uruar të gjithë besimtarëve myslimanë festën e Fitër Bajramit.

IKSHPK shpreh mirënjohje dhe respekt për përkushtimin që besimtarët kanë treguar gjatë gjithë muajit të Ramazanit në zbatimin e rekomandimeve tona.

“Ne besojmë se një mënyrë e këtillë e manifestimit të besimit do të tregohet edhe gjatë festës së Bajramit të Madh. Prandaj, duke pasur parasysh se rreziku nga COVID-19 nuk ka kaluar ende, IKSHPK bën thirrje që në këto ditë feste të shmangen vizitat tradicionale te familjarët dhe te njëri-tjetri dhe të vazhdohet me zbatimin e rekomandimeve të IKSHPK-së dhe të MSH-së, ashtu siç jeni udhëzuar gjithashtu edhe nga Bashkësia Islame e Kosovës”, thuhet në njoftim.

“Vetëm me kujdesin e shtuar të të gjithëve, me përkushtimin dhe angazhimin e përbashkët do të mund ta tejkalojmë këtë situatë. Lutemi që solidariteti dhe mirëqenia të mbizotërojë mes nesh, me shpresën që festimet e ardhshme të shënohen sipas traditës dhe në rrethana të tjera më të mira”, thuhet në fund.

---