Industria farmaceutike, 6 miliardë vetëm për hulumtime

Gjatë vitit 2012 Industria farmaceutike e Zvicrës ka eksportuar mallra me vlerë prej 64 miliardë frangash, duke përbërë kështu afërsisht një të tretën e vëllimit të të gjitha eksporteve zvicerane

Koncernet e mëdha zvicerane të industrisë farmaceutike kanë ndarë gjatë vitit 2012 afër 6 miliardë franga për hulumtime në fushën e farmacisë. Një shifër e tillë tregon se këto kompani investojnë tri herë më tepër në hulumtime dhe zhvillim se sa kanë ndarë në përgjithësi në Zvicër.

Mirëpo  Zvicra, nga këto investime përfiton jo vetëm si seli e rëndësishme prodhimi por edhe si një vend me peshë të madhe në fushën e hulumtimeve farmaceutike në botë. Kështu thuhet në raportin e publikuar të enjten nga bashkësia e prodhuesve farmaceutikë Interpharma, të titulluar “Tregu farmaceutik Zvicër 2013”, shkruan nzz.ch.

Përveç investimeve në hulumtime, industria e farmacisë në Zvicër ka investuar për mjete teknike, makina, pajisje të ndërtesave etj. afër 1 miliard franga. Të gjitha këto investime janë bërë të mundura falë eksportit të madh që ka realizuar kjo degë e industrisë zvicerane. Gjatë vitit 2012 ajo ka eksportuar mallra me vlerë prej 64 miliardë frangash, duke përbërë kështu afërsisht një të tretën e vëllimit të të gjitha eksporteve zvicerane.

Eksportet e industrisë farmaceutike të Zvicrës në vitin e kaluar janë trefishuar në krahasim me ato të vitit 1990.