Ish trajneri i Kombëtares Gianni de Biasi mbron Xhakën dhe Shaqirin

Në lidhje me gjestin e shqiponjës dykrenore të Xherdan Shaqirit dhe Granit Xhakës, Biasi shton se e gjithë historia është absurde.

Ish trajneri i Kombëtares, Gianni de Biasi , ka treguar për televizionin italian “Rai” se pse Suedia ka fituar ndaj Italisë.

“Italia kishte tepër emocione si asnjëherë më parë. Italianët arritën ti bënin presione nordikevë, megjithatë ata kanë mbrojtje tepër të fuqishme dhe është thuajse e pamundur ti ndëshkosh nga qendra, por vetëm me krosime,” tha ai, përcjell albinfo.ch.

Në lidhje me gjestin e shqiponjës dykrenore të Xherdan Shaqirit dhe Granit Xhakës, Biasi shton se e gjithë historia është absurde.

“Në Shqipëri kam mësuar, që gjesti është shenjë për t’u identifikuar me vendin dhe kombin. Është një shenjë miqësore, aspak provokim. Që në Zvicër flitet për mungesë të lojtarëve me çfarë identifikohet, për mua është e pakuptueshme. Ka nëpër botë dhe veçanërisht në Zvicër shumë lojtarë më rrënjë të ndryshme. Sot kjo është normale. Është turp, që një diskutim i tillë ka vendosur në hije një fitore spektakulare,” tha në fund ish trajneri i Kombëtares.