Italia akuzon Zvicrën për diskriminim të punëtorëve italianë

Sipas ministrisë italiane, masat që ka ndërmarrë kantoni i Tesinës përbëjnë shkelje të marrëveshjeve mbi lëvizjen e lirë

Ministria e Jashtme e Italisë ka ftuar për sqarim ambasadorin e Zvicrës në Romë, Giancarlo Kessler. Kjo për faktin se Italia e fajëson Zvicrën se po i diskriminon punëtorët italianë që punojnë nga zonat kufitare në Tesinë të Zvicrës.

Sipas ministrisë italiane, masat që ka ndërmarrë kantoni  i Tesinës (kundër tyre) përbëjnë shkelje të marrëveshjeve mbi lëvizjen e lirë.

Ambasadori zviceran ka siguruar mikpritësit se do të ketë një zgjidhje të shpejtë.

Masat të cilave Italia u referohet si diskriminuese, janë vendosur nga Kantoni i Tesinës në muajin prill. Sipas tyre personi nga Italia i cili kërkon leje qëndrimi në Zvicër duhet të sjellë një certifikatë nga regjistri i krimeve nga Italia. Edhe Sekretariati Shtetëror për Migracion e kishte shpallur këtë qëndrim si të palejueshëm.

Ndërkaq Parlamenti i Tesinës po ashtu pati vendosur që pragun tatimor për “kufitarët” ta rrisë nga 78% në 100%. Kjo do t`i mundësonte kantonit që brenda vitit të merrte rreth 20 milionë ranga më shumë të ardhura.

Nga fundi i qershorit e kishte marrë si pretekst këtë ngritje për të bërë një kërkesë në Komisionin e BE-së që të iniciohet një procedurë kundër Zvicrës.