Kim Jong Un: “Zvicra po shkel të drejtat e njeriut”

Këtë kritikë diktatori korean e ka shqiptuar pasi që Zvicra refuzon të furnizojë Korenë e Veriut me teleferikë për terrenin e skitarisë që është duke planifikuar

Zvicra ia ka prishur llogaritë diktatorit verikorean Kim Jong Un duke hedhur poshtë ofertën për të ndihmuar ndërtimin e resorit të skijimit.

I dëshpëruar me këtë kundërshtim, Jong Un e k akuzuar Zvicrën jo më pak se për “shkelje të të drejtave të njeriut”, ka shkruar “Washington Post”.

Por, njësoj sikur Zvicra, edhe Austria dhe Franca kanë hedhur poshtë ofertat shumë milionëshe nga Koreja e Veriut.

Nga ana tjetër problem për realizimin e vizionit të Kim Jong Un-it është se në vendin e tij mungon ekspertiza teknike për prodhimin e teleferikëve. Diktatori i kishte vënë vetes për synim të ndërtonte terrenin e skitarisë për t`i rivalizuar Koresë së Jugut, ku, në vitin 2018 do të mbahen Lojërat Olimpike Dimërore, shkruan focus.de. nga ana tjetër, vetëm Kim Jong-Un, gjatë kohës kur ka ndjekur mësimet në një kolegj privat në Zvicër, ka qenë një skitar i pasionuar.

Por, politika izolacioniste dhe shpesh e papërgjegjshme e provokuese ndaj pjesës tjetër ë botës dhe shkelja e të drejtave të njeriut brenda vendit, kanë bërë që shumica e shteteve perëndimore të vendosin sanksione ndaj Koresë veriore. Në mesin e këtyre vendeve është edhe Zvicra.