Klinika pa leje pune, arrestohen dy serbë

Më 15 maj, rreth orës 12:00, hetuesit e policisë kantonale të Cyrihut kontrolluan një praktikë për fizioterapi në Dietikon. Ata takuan një mjek serb 35-vjeçar dhe ndihmësin e tij, 29-vjeçar serb, që kryenin injeksione rrudhash kozmetike.

Por, kjo klinikë nuk kishte leje për të dhënë injeksione të tilla. Gjithashtu nuk kishin leje të punës, njofton policia zvicerane, përcjell albinfo.ch.

Për më tepër, ishin siguruar pajisje të ndryshme mjekësore të mbuluara nga Akti i Produkteve Terapeutike. Këto dyshohet se janë importuar ilegalisht në Zvicër.

Të dy serbët u arrestuan në terren dhe u dërguan në prokurori të kantonit të Cyrihut.

Pronari i klinikës u mor në pyetje nga policia dhe kanë filluar hetimet. Hetimet e mëtejshme kryhen nga policia kantonale e Cyrihut, prokurori publik i kantonit të Cyrihut dhe Drejtoria Federale e Doganave.