Kosova shënon rekord të bizneseve të regjistruara në tremujorin e 2023-ës

pixabay

3 mijë  e 86 biznese të reja janë regjistruar në tremujorin e parë të viti 2023. Kështu njoftoi ministri i Financave, Hekuran Murati. Sipas tij, kjo përbën shifrën më të lartë të regjistruar ndonjëherë, përcjell albinfo.ch.

“Rekord numër i bizneseve të hapura në tremujorin e parë 2023. Në tremujorin e parë të vitit 2023 janë regjistruar gjithsej 3,086 biznese të reja, që paraqet shifrën më të lartë të regjistruar ndonjëherë”, ka shkruar ai.

Murati bëri të ditur se në sektorin e prodhimit janë hapur 353 biznese të reja. Gjë që e bën sektorin e dytë, menjëherë pas tregtisë.

Sipas komunave, prin Prishtina me 862 biznese të hapura, që lë pas Ferizajn me 267 biznese të hapura, kurse në vendin e tretë është Prizreni me 261 biznese të hapura“, thuhet në njoftim.