Kriza, “ilaçi më i ri për dobësim” i italianëve

Me paratë që duhet të shpenzoheshin për ushqime, italianët mbulojnë bilancin e rrezikuar ekonomik të tyre

Zakonisht thuhet se në kohë krize “duhet shtrënguar rripin”. Italianët duket se kriza që po kalojnë viteve të fundit i ka mësuar që jo vetëm simbolikisht  të “shtrëngojnë rripin”. Thjeshtë, atyre kanë filluar edhe tekstualisht “t`u bien pantollonat” pasi që, si pasojë e krizës, po kanë më pak para për ushqim.

Viti i kaluar ka qenë i pari që prej 20 vitesh që te italianët është shënuar tendencë e rënies së numrit të personave me mbipeshë, raporton federata e bujqësisë Coldiretti dhe transmeton agjencia e lajmeve Ansa.

Dhe, sipas këtyre burimeve, problemet ekonomike kanë sjellë këtë tendencë ndër italianët, të njohur si dashamirës të ngrënies së bollshme.

Federata në fjalë thotë se me paratë që duhet të shpenzoheshin për ushqime, italianët mbulojnë bilancin e rrezikuar ekonomik të tyre. Megjithatë, sipas saj gjendja sa i përket trashësisë vazhdon të jetë alarmante: Pothuaj çdo i dyti italian është me mbipeshë. Sipas studimeve të bëra, fëmijët italianë janë më të trashët në Evropë.,