LDK-ja s’e pranon rezultatin në Prishtinë e Dragash

Lidhja Demokratike e Kosovës njofton se po shqyrton mundësitë ligjore për të kundërshtuar rezultatin zgjedhor në Prishtinë dhe Dragash

“LDK-ja konsideron se vendimi i Gjykatës Supreme cenon të drejtën kushtetuese të kandidatit  të LDK-së, sepse nuk ia jep mundësinë që në mënyrë transparente të vërtetohen rezultatet përmes procesit të rinumërimit.

LDK-ja gjithashtu konsideron se, vendimi i Gjykatës Supreme është i pabazuar, i pakuptimtë dhe i pa arsyetur për faktin se, ky vendim në arsyetimin e tij megjithëse pranon parregullsitë e evidentuara gjatë zhvillimit të procesit zgjedhor në Komunën e Prishtinës, nuk lejon rinumërimin e kutive të votimit si mekanizëm i vetëm për të korrigjuar shkeljet dhe gabimet e evidentuara nga zyrtarët tonë në ditën e zgjedhjeve”, thuhet në reagimin e kësaj partie.