Maqedoni: Viti i ri mësimor, me prezencë fizike

E domosdoshme të vaksinohen prindërit dhe mësimdhënësit

Para fillimi të vitit të ri mësimor, vendet e rajonit tashmë i bënë të ditura vendimet se mësimi për shkolla do të zhvillohet me prezencë fizike me protokolle, për dallim nga viti i kaluar, ku në shumicën e shteteve kishte mbyllje totale të shkollave.

Autoritetet e Maqedonisë pajtohen se shëndeti i nxënësve është prioritet, por në mënyrë që edhe gjendja epidemiologjike të jetë stabile dhe mësimi të mbahet pa pengesa deri në fund të vitit mësimor, e domosdoshme është vaksinimi i popullatës.

Në Maqedoni viti i ri mësimor do të fillojë me prezencë fizike edhe në shkollat fillore dhe në ato të mesme, ndërsa sipas MSHA-së, kjo strategji u tregua e suksesshme kur 40% e nxënësve ndoqën mësimin me prezencë fizike.

Për ndryshimin eventual të mësimit do të vendosë Komisioni për Sëmundje Ngjitëse, ndërsa krahas mësimit me prezencë fizike, janë paraparë edhe dy skenarë të tjerë, ai i kombinuar dhe mësimi online.

---