Masat lehtësuese në Kosovë, nga e hëna

Sipas Ministrisë së Shëndetësisë nga 1 qershori Kosova do të hyjë në fazën e tretë të lehtësimit të masave.

Nga e hëna do të hyjë në fuqi faza e tretë në Kosovë, e cila do të përfshijë hapjen e transportit urban dhe ndërurban, taksitë, gastronomia, provimet në arsimin e lartë, testi i maturës dhe arritshmërisë, hapja e kinemave, e teatrove dhe hapja selektive e aktiviteteve sportive.

Nga të dhënat e fundit nga Instituti i Shëndetit Publik të Kosovë, ka rënie të numrit të rasteve të infektuar me COVID 19.

Ministri Vitia më herët kishte deklaruar që “kalimi nga faza në fazë varet nga ne”, duke theksuar se “nëse nuk kemi rritje të rasteve dhe respektojmë udhëzimet shëndetësore, atëherë ecim përpara”, përcjell albinfo.ch.

---