Maurer: Situatën në fushë të azilit e kemi nën kontroll

Sipas tij nuk qëndron konstatimi se mbretëron një kaos në çështjen e azilit

"Ausserordentliche Situation": Bundesrat Ueli Maurer über Flüchtlingskrise in Europa

Ministri federal i mbrojtjes, Ueli Maurer n uk ndan mendimin e me partinë e vet (SVP) ikur është fjala për gjendjen në fushë të azilit në Zvicër. Sipas tij nuk qëndron konstatimi i bërë nga partia e përmendur se mbretëron një kaos në çështjen e azilit.

“Aktualisht ne e kemi situatën nën kontroll” ka thënë Mauerer në një intervistë dhënë gazetës zvicerane në gjuhën frënge “Le Temps”.

Por, ka theksuar ai “ne jemi në situatë të jashtëzakonhsme”. Po ashtu ai është shprehur se nuk e di se si do të zhvillohet situata në javët e arsdshme kur valët e migrantëve që aktualisht kalojnë nëpër Ballkan do të mund të arrijnë edhe Zvicrën.

Maurer ka theksuar se Evropa tashmë “është vërshuar e tëra” ndërsa nuk funksionon më as Marrëveshja e Shengenit. Kjo shihet sidomos pas krizës më të re të refugjatëve.

“Është me të vërtetë një provim të cilin Evropa nuk do ta kishte mednuar as në ëndërr dhe për të cilin është e papërgatitur”.
Është e nevojshme të ndërhyhet drejtpërdrejt në regjionet me krizë dhe sidomos nëvendet fqinje të Sirisë dhe të Irakut. “Evropa nuk mund të marrë qindra mijë refugjatë”, ka thënë ministri zviceran në një situatë kur brenda shtatë muajve të këtij viti kufirin e BE-së e kanë kaluar tashmë rreth 340 mijë refugjatë.