Më në fund një ditë e vërtetë pranvere

Që nga orët e paradites sot ka mbretëruar një mot me diell dhe pa vranësira. Temperaturat mesatare kanë qenë në es të 18 dhe 22 gradë

Keystone

Më në fund sot, e diele, 14 prill, zviceranët patën mundësinë të kënaqen nën rrezet e diellit aq të pritur. Një fillim viti që nuk mbahet mend me zymtësinë e tij dhe mungesën e diellit, ka bërë që njerëzit këtu të ekzaltohen dhe të lënë shtëpitë në ditën e parë që me të vërtetë i ngjan pranverës.

Në gjithë hapësirën në veri të Alpeve, që nga orët e paradites sot ka mbretëruar një mot me diell dhe pa vranësira. Temperaturat mesatare kanë qenë në es të 18 dhe 22 gradë.

Vendpikniqet tradicionale dhe ambientet e bukura buzë liqeneve ose në male, kanë qenë sot gjatë gjithë ditës “nën sulmin” e njerëzve të etshëm për diell. Edhe restorantet, teleferikët  dhe shitësit ambulantë në këto ambiente kanë pasur një “pazar” të mirë sot.

Mot i ngjashëm me diell në Zvicër do të mbretërojë së paku edhe të hënën dhe të martën, bëjnë të ditur meteorologët.