Më së paku nëna tinejxhere në Zvicër

Gjithsej 1.1 % të lindjeve në Zvicër bëhen nga gra që kanë më pak se 20 vjeçe, që është dukshëm nën mesataren evropiane, e cila mbërrin në 2.7%

Femrat që lindin fëmijë, ende pa i mbushur 20 vjet marrë përgjithësisht janë të rralla në Evropë. Ndërsa në Zvicër ka më së paku të tilla. Gjithsej 1.1 % të lindjeve në Zvicër bëhen nga gra që kanë më pak se 20 vjeçe, që është dukshëm nën mesataren evropiane, e cila mbërrin në 2.7%. Ndërkaq, sa u përket nënave që lindin në moshën mbi 35 vjeçare, Zvicra mban një ndër pozicionet më të larta në Evropë.

Në një raport të bërë nga autoritetet kompetente të BE-së lidhur me nënat tinejxhere, për herë të parë janë përfshirë edhe të dhënat nga Zvicra, njofton Zyra Federale për Statistikë (BfS).

Shkalla më e lartë e nënave të moshës nën 20 vjeçare brenda BE-së është shënuar në Rumani, 10.6%. ndërsa Italia, Danimarka dhe Holanda kanë shkallë të përafërt me atë të Zvicrës. Nga shtetet e Evropës Perëndimore Britania e Madhe ka një shkallë lart mbi mesataren: 5 për qind. Ndërsa në SHBA 9.2% të shtatzënave janë tinejxhere.