Më shumë etër që punojnë me orar të pjesshëm pune

Nëse në vitin 2003 vetëm çdo i njëzeti baba punonte me orar të pjesshëm, në vitin 2013 kështu vepron pothuajse çdo i dhjeti

Puna me orar të shkurtuar, e cila tradicionalisht është preferuar më shumë nga nënat, po bëhet gjithnjë më tërheqëse edhe për baballarët. Kështu, nëse në vitin 2003 vetëm çdo i njëzeti prind i gjinisë mashkullore punonte me orar të pjesshëm, në vitin 2013 ky raport pothuajse është dyfishuar.

Sipas të dhënave nga Zyra Federale e Statistikave (BFS) në vitin e kaluar 9.3 për qind të prindërve me një e më shumë fëmijë kanë punuar me orar të pjesshëm. Dhjetë vite më parë kanë qenë 5.8%.

Edhe me këtë rritje, etërit vazhdojnë të jenë dukshëm më pak se nënat të përfaqësuar në kategorinë e të punësuarve me orar të shkurtuar. Sipas statistikave të njëjta, 80.2 për qind të grave me fëmijë gjatë vitit 2013 kanë punuar me orar të pjesshëm.