Më shumë udhëtarë fluturojnë me “Swiss”

“Swiss” në shtator ka regjistruar rritje të numrit të udhëtarëve me 4.4 për qind, në rreth 1.457.000.

Në nëntë muajt e parë të 2014-ës “Swiss” përcolli 12.3 milionë pasagjerë. Bëhet fjalë për 0.9 për qind më shumë se në të njëjtën periudhë të vitit të kaluar.

Numri i fluturimeve ka shënuar rënie nga janari deri në shtator, por nga 1 për qind në 109.740. 96.175 fluturime në tregun evropian (-1.5 për qind) dhe 13.565 (2,9 për qind) janë kryer në rrugët interkontinentale.

Numri i kilometrave të pasagjerëve është rritur me 1.5 për qind, pavarësisht numrit më të vogël të fluturimeve.

Në përgjithësi Lufthansa, Germanwings, Swiss dhe Austrian Airlines nga janari deri në shtator kanë transportuar numër rekord udhëtarësh prej rreth 81.2 milionë pasagjerësh. Kjo është një rritje prej 1.7 për qind, edhe pse 2.2 për qind më pak në krahasim me fluturimet që janë realizuar vitin e kaluar.

Në shtator numri i udhëtarëve në këtë grup u rrit me 3.5 për qind.