Merkel do të takohet me Ramën

Takimi pritet të fillojë nga 15:30 në Berlin, shkruajnë mediat gjermane.

Kancelarja gjermane Angela Merkel (CDU) të mërkurën (15.30) do të presë në takim kryeministrin e Shqipërisë, Edi Rama në Berlin. Në Zyrën e Kancelares, dy politikanët do të flasin për marrëdhëniet dypalëshe, pyetjet rajonale si dhe afrimin e Shqipërisë me BE. Pas bisedës pritet një konferencë për media, informon albinfo.ch.

Takimi vjen pasi KE nxori raportin për fillimin e negociateve për anëtarësim me Shqipërinë dhe Maqedoninë, javën e kaluar. Te Shqipëria, Brukseli sheh deficit në sistemin e drejtësisë, gjithashtu korrupcioni mbetet problem i madh. Vendimi përfundimtar pritet ta marrin vetë shtetet anëtare të BE.