Meta: Zvicra, një model i vërtetë për demokracinë

Presidenti Ilir Meta ka falënderuar ambasadorin Maitre, duke u shprehur se Zvicra është një model i vërtetë për demokracinë

Së fundi, Presidenti i Shqipërisë, Ilir Meta, ka shprehur falënderime për ambasadorin e Zvicrës, Adrian Maitre, për veprimtarinë e organizuar me qëllim promovimin e harmonisë fetare në Shqipëri.

Në një postim në Facebook, Meta shprehet se Zvicra është një model i vërtetë për demokracinë, nga e cila Shqipëria mund të mësojë shumë.

“E falënderoj ambasadorin e Zvicrës, Adrian Maître, për veprimtarinë e organizuar sot me temë “Shqipëria – Jetesa në harmoni e komuniteteve fetare”, që kishte për qëllim promovimin e një prej pasurive më të çmuara të kombit shqiptar, për të cilën duhet të jemi krenarë të gjithë. Zvicra është një model i vërtetë për demokracinë, respektimin e të drejtave të njeriut dhe bashkëjetesën mes popujve, nga e cila mund të mësojmë shumë”, përcjell albinfo.ch.

---