Ministri gjerman merr Kosovën si shembull suksesi të punësimit legal në Gjermani

Müller ka përmendur si shembull të funksionimit të mirë të kësaj alternative, qendrën gjermane për Këshillim për çështje të migracionit, në Kosovë.

Qeveria e ardhshme federale e Gjermanisë duhet të ketë më shumë oferta për imigrimin në Gjermani të migrantëve të punës nga vendet jashtë Bashkimit Evropian. Kështu ka kërkuar ministri aktual për zhvillim, Gerd Müller nga Partia Socialkristiane (CSU), shkruan Agjencia Gjermane e Lajmeve DPA.

Por, Partia e Gjelbër ka qëndrim më kritik ndaj kësaj.

Müller i sheh qendrat për këshillim, të hapura në shtetet jashtë BE-së si një urë legale për migracionin legal, transmeton albinfo.ch. Müller e sheh këtë mundësi vetëm në rast se në të njëjtën kohë do të merren masa më efikase për luftimin e migracionit jo të rregullt.

“Qasja në tregun gjerman të punës duhet të shkojë përmes rrugëve legale”, ka thënë Müller për dpa. Me këtë rast ai ka përmendur si shembull të funksionimit të mirë të kësaj alternative, Qendrën për Këshillim për çështje të migracionit, në Kosovë.