Në mesin e grave më frymëzuese, edhe deputetja shqiptare në Parlamentin Europian

Në listën e 30 grave më frymëzuese, edhe Arba Kokalari.

Arba Kokalari është zgjedhur në listën e një prej 30 grave drejtuese më frymëzuese në Suedi, sipas renditjes së Sweden’s Leader’s Organization.

Deputetja shqiptare në Parlamentin Europian shkruan në rrjetet sociale se tashmë bashkë me ekipin e saj po punojnë me energji shtesë për të bërë një ndryshim për Suedinë në BE.

“Unë jam emëruar në listën e top 30 nga 75 gra drejtuese dhe frymëzuese në Suedi që organizatat udhëheqëse renditin gratë udhëheqëse të së ardhmes.

Faleminderit për drejtuesit, jurinë dhe të gjithë ata që më emëruan! Tani unë dhe ekipi im po punojmë me pak energji shtesë për të bërë një ndryshim për Suedinë në BE”, shkruan ajo.

---