Në Zvicër ka mungesë të rezervave të gjakut

Grupet më të kërkuara të gjakut janë ato me faktor RH negativ

Rezervat e gjakut në Zvicër në kohën para sezonit të pushimeve verore janë afër shterrimit. Kryqi i Kuq Zviceran (SRK) që është përgjegjës për grumbullimin e rezervave të gjakut kërkon nga popullata e Zvicrës që të mobilizohet më tepër në dhurimin e gjakut. Grupet më të kërkuara të gjakut janë ato me faktor RH negativ.

Faktin se mungesa e gjakut është paraqitur që në muajin qershor, SRK e shpjegon me motin e ngrohtë veror që ka mbretëruar dhe në lojüerat atraktive të futbollit që janë treguar deri më tash gjatë Kampionatit Botëror Braziki 2014.

Nevojat për rezerva të prodhimeve të gjakut gjatë vitit të kaluar patën shënuar rënie. Ndërkaq, në pranverën e sivjetme shërbimi i grumbullimit të gjakut pati kumtuar se rezervat e gjakut aktualisht tepronin. Mirëpo, në të njëjtin njoftim qe paralajmëruar po ashtu se priten mungesa gjaku që mund të paraqiten në sezona të caktuara.