Lajme

Në Zvicër, rënie e theksuar e numrit të rasteve me Covid

132 pacientë me Covid-19 ndodhen në kujdes intensiv ose 15 për qind më pak krahasuar me javën e kaluar. BAG raporton 10 raste të reja të vdekjes nga Covid-19

E enjte, 31 Mars 2022 - 19:35 albinfo.ch

(KEYSTONE/Georgios Kefalas)

Zyra Federale e Shëndetit Publik (BAG) ka raportuar 12,795 raste të reja që kanë rezultuar pozitive për virusin korona në 24 orët e fundit, transmeton albinfo.ch. Kjo e vendos mesataren 7-ditore në 14,465 që është 38 për qind më pak se në javën e kaluar.

Incidenca 14-ditore është aktualisht 3754.97.

BAG ka raportuar 126 pranime të reja në spital, kështu që mesatarja 14-ditore është 117 shtrime në spital në ditë. 1786 persona aktualisht po trajtohen në spital për Covid-19 dhe kjo është 7 për qind më pak se në javën e kaluar.

132 pacientë me Covid-19 ndodhen në kujdes intensiv ose 15 për qind më pak krahasuar me javën e kaluar.

BAG raporton 10 raste të reja të vdekjes nga Covid-19 brenda 24 orëve të fundit.