Një aplikacion policor kontrollon zhurmën e 900 tarracave

Forcat për ruajtjen e rendit dhe të qetësisë do të kenë një mjet online për të luftuar në mënyrë më efikase kundër zhurmës së krijuar në tarracat e bareve. Projekti nuk gëzon mbështetjen e të gjithëve.

“Ne nuk mund të punojmë më pa të”.  Një vit pas hyrjes së aplikacionit në shërbim, programi Sonitus vepron në 100% të operacioneve të policisë së qytetit të Gjenevës në lidhje me zhurmat e natës rreth kafeve, siguron Antonio Pizzoferrato, shef i Sigurisë.

Mjeti, i sapovënë në funksion, paraqitet në formën e një harte elektronike, në të cilën janë të renditura të gjitha tarracat. Vlerësimet e cilësisë së rendit regjistrohen nga rundet e agjentëve (APM) apo nga ankesat e fqinjeve. “Ne mund të kontrollojmë 900 tarraca me një klik”, thotë AntonioPizzoferrato. Baza e të dhënave mundëson koncentrimin e forcave në një zonë problematike, e cila është e sinjalizuar me të kuqe në hartë. Ky informacion, i përditësuar në kohë reale e të afërt, është gjithashtu i arritshëm nëpërmjet  iPhone shpërndarës të agjentëve.

Sipas autoriteteve Sonitus është mjet ideal për të kontrolluar dhe parandaluar shamatën e padëshiruar si dhe për t’iu larguar tërheqjes së autorizimeve të kafeneve, siç ishte rasti në vitin 2013 për 28 prej tyre. Megjithatë, pronarët e kafeneve mbeten skeptikë në lidhje me projektin. Ata ende nuk kanë qasje, siç ishte premtuar, me të dhënat e tyre. Sipas pronarëve, këto të dhëna do t’i ndihmojnë t’i përshtatin pajisjet e tyre për të rrethuar personat që festojnë. Ndërsa një pronarë tjetër thekson faktin se këto forca megjithatë nuk arrijnë shpejt në rast problemi serioz.