Nuk do të ketë borë për Krishtlindje në Zvicër

Këtë javë temperaturat do të rriten

Edhe pse bora ka rënë në disa pjesë të Zvicrës këtë fundjavë, parashikimi i fundit i motit nuk premton mirë për Krishtlindjet e bardha, përcjell albinfo.ch.

Ajri më i ngrohtë do të rrjedhë në Zvicër këtë javë dhe temperaturat do të rriten, sipas shërbimit të motit MeteoNews, kështu që probabiliteti që bora ekzistuese të zgjasë deri në Krishtlindje është “shumë e ulët”.

Temperaturat nën zero që kishin goditur pjesë të mëdha të vendit javën e kaluar do t’u lënë vendin temperaturave që variojnë nga 5 deri në 13 gradë Celsius gjatë ditëve në vijim, raporton MeteoNews.

---