Obwald: Bllokohet treni në një tunel me 80 pasagjerë

Tetëdhjetë pasagjerë të kompanisë së  trenit Zentralbahn janë detyruar të  evakuohen  të dielën pasdite në tunelin Engelberg (OW). Motori kishte pësuar një dështim teknik dhe frenimi urgjent është provokuar automatikisht.

Treni ka mbetur i bllokuar një kilometër nga dalja,  bëri të ditur drejtori i kompanisë, Renato Fasciati. Treni në fjalë qarkullonte në drejtim të Lucernit.

Punonjësit e kompanisë Zentralbahn dhe zjarrfikësit kanë evakuuar udhëtarët. Gratë dhe fëmijët janë transportuar në një automjet të veçantë. Ndërsa të tjerët janë nisur këmbë gjerë te stacioni i daljes. Operacioni u zhvillua pa incidente, sipas drejtorit Fasciati.

Trafiku në linjën Luzern-Engelberg ka qenë i ndërprerë gjithë ditën. Autobusë për zëvendësim janë siguruar megjithatë  për lidhjet që rifilluan sot, të hënën, në mëngjes si zakonisht, gjithnjë sipas drejtorit të kompanisë.