Orhan Ademi nënshkruan për klubin austriak

Orhan Ademi në ditët e fundit të afatit kalimtar është bërë pjesë e skuadrës së re, SV Riedi nga Austria.

Djaloshi nga Kumanova, i cili është rritur në Zvicër, në Austri erdhi nga liga e dytë gjermane Eintracht Braunschweig, përcjell albinfo.ch.

24-vjeçari sezonin e kaluar kishte luajtur 18 ndeshje për Eintracht Braunschweig në ligën e dytë gjermane dhe kishte shënuar një gol. Në Austri atë e njohin shumë mirë, pasi që në të kaluarën kishte luajtur për Altach në ligën e parë dhe nga 94 ndeshje, kishte shënuar 30 herë.

Ademi ka thënë se ka ardhur në Ried për të shënuar sa më shumë gola dhe për të ndihmuar skuadrën e tij të re.
Ademi ka nënshkruar kontratë njëvjeçare me klubin austriak, me mundësi vazhdimi.