Paga dinjitoze për të gjithë, edhe për ata që nuk punojnë!

Iniciativa kërkon të ardhura të pakusht të cilat të gjithë qytetarëve do t`u sigurojnë jetesë të dinjitetshme dhe pjesëmarrje në jetën publike

Qytetarët zviceranë me të drejtë vote do të kenë mundësinë që të votojnë për të drejtën e pagave bazë të pakusht (pavarësisht punës). Siç bën të ditur zyra federale, kompetente për pranimin e iniciativave, kjo iniciativë është pranuar edhe në mënyrë formale, pasi që për të janë grumbulluar 126408 nënshkrime.

Iniciativa kërkon të ardhura të pakusht të cilat të gjithë qytetarëve do t`u sigurojnë jetesë të dinjitetshme dhe pjesëmarrje në jetën publike.

Sipas iniciuesve shuma që do të mjaftonte për ketë është 2500 franga në muaj për person. Për fëmijët do të paguhej sa një katërta e kësaj shume.

Megjithatë në tekstin e iniciativës nuk përmendet shuma në fjalë dhe as burimet se nga do të siguroheshin të ardhurat. Të gjitha këto do të përcaktohen, në rast të pranimit nga populli, në kërkesën që do t`i bëhet parlamentit për ta formalizuar këtë përmbajtje, shkruan nzz.ch.

Mbrapa kësaj iniciative qëndron një komitet me përbërje të larmishme në mesin e të cilëve janë publicisti Daniel Straub, ish zëdhënësi i Këshillt Federal Oswald Sigg, këngëtarja e njohu e rapit Franziska Schläpfer.