Pandemia e vë aeroportin e Gjenevës ‘në të kuqen’, për herë të parë

(KEYSTONE/Salvatore Di Nolfi)

Aeroporti i Gjenevës regjistroi një humbje prej 129.5 milionë CHF në vitin 2020, për shkak të efekteve të pandemisë.

Kjo krahasohet me një fitim prej 84.1 milionë CHF në vitin 2019, tha aeroporti të martën.

Humbja, e cila është e para në historinë e saj, ishte për shkak të rënies së numrit të pasagjerëve të shkaktuar nga kufizimet ndërkombëtare të udhëtimeve. Në vitin 2020, pak më shumë se 5 milionë pasagjerë hipën ose zbritën në aeroportin e Gjenevës.

Në tërësi u regjistruan 86,353 lëvizje të avionëve, një rënie prej 54 për qind krahasuar me vitin e kaluar.

Për të zbutur tronditjen sa më shumë që të jetë e mundur, Aeroporti i Gjenevës tha se shtyu dhjetëra projekte.

“Detyra jonë sot është të shmangim rrezikimin e së ardhmes së aeroportit”, i tha të martën Drejtori i Aeroportit të Gjenevës, André Schneider, transmetuesit publik zviceran RTS, përcjell tutje albinfo.ch.