“Paratë e xhepit” nuk do t’i nënshtrohen tatimit

Të ardhurat që nuk e kalojnë shumën deri në 750 franga në vit, nuk do tu nënshtrohen më taksave për pension të moshës (AHV)

Të ardhurat e ulëta ose ndryshe „paratë e xhepit“ (kryesisht të ardhura shtesë ose plotësuese) që nuk e kalojnë shumën deri në 750 franga në vit, tash e tutje nuk do tu nënshtrohen më taksave për pension të moshës (AHV).

Bëhet fjalë për punët si kujdestare fëmijësh (babysitter) ose pastruese shtëpiake me kohë të kufizuar  etj. Të rinjtë deri në moshën 25 vjeçare dhe punëdhënësit  do të jenë ata që do të përfitojnë nga ky ndryshim, ka vendosur sot Parlamenti i Zvicrës.  

Rregullimi i ri do të hyjë në fuqi nga një janari 2015 dhe pritet të reduktojë burokracinë e panevosjhme.  

Bashkë me këtë ndryshim është vendosur edhe një rritje simbolike e pensioneve minimale të moshës dhe të invaliditetit. Kjo rritje që për këtë vit është më e vogël se viteve tjera, përmban vetëm pesë franga, gjegjësisht nga 1170 sa ka qenë, pensioni minimal është bërë  1175 franga. Ndërsa pensioni maksimal është rritur nga 2340 në 2350 franga, gjegjësisht për 10 franga.

Përveç zvogëlimit të vëllimit të punës administrative, me ndryshimin më të ri pritet të evitohet ilegaliteti i punëdhënësve në këto fusha, thuhet në një komiunikatë të Zyrës Federale për Sigurimet Sociale. Por edhe në të ardhmen të  rinjtë mund të kërkojnë që kontributet e punëdhënësit dhe ato të punëmarrësit të përllogariten në raport me AHV-në.

Rritjen e pensionit minimal të moshës dhe të invaliditetit Këshilli Federal ia ka përshtatur zhvillimit të pritur të pagave dhe të çmimeve për vitin e ardhshëm. 5, gjgjësisht 10 frangat e shtuara bëjnë në total 201 milionë franga.