Parlamenti, po marrëveshjes me Gjermaninë për “zhurmën e aeroplanëve”

Mbetet problemi se Gjermania e jugut, e prekur drejtpërdrejtë nga zhurma e fluturimeve, është duke bërë rezistencë të fuqishme kundër marrëveshjes

Dhoma Nacionale e Parlamentit të Zvicrës ka miratuar të enjten marrëveshjen e nënshkruar me Gjermaninë që për subjekt ka zhurmën e aeroplanëve në zonat kufitare në mes të Zvicrës dhe Gjermanisë. Kjo marrëveshje do të zëvendësojë një rregullore të cilën deri më tash e ka zbatuar Gjermania në mënyrë të njëanshme.

Përmes marrëveshjes së re Zvicra i garanton Gjermanisë periudha më të gjata kohore pa aterrime. Në küembim me këtë, Gjermania heq dorë nga kufizimi që u ka bërë ajo deri më tash një numri aterrimesh në Aeroportin e Cyrihut, duke shfrytëzuar territorin e Gjermanisë.

Dhoma e kantoneve e kishte miratuar këtë marrëveshje më herët, në sesionin pranveror. Tash për zbatimin në praktikë të marrëveshjes mbetet të pritet edhe pëlqimi i Gjermanisë. Kjo paraqitet problematike për faktin se Gjermania e jugut, e prekur nga kjo problematikë, është duke bërë rezistencë të fuqishme kundër marrëveshjes.