Parlamenti “varros” sekretin bankar për klientët e jashtëm

Por, sekreti bankar, karakteristik për Zvirën vazhdon të mbetet i paprekur sa u takon klientëve të vendit

Dhoma Nacionale e Parlamentit të Zvicrës, me shumicë votash është shprehur në parim pro mundësisë që Zvicra të shkëmbejë në mënyrë automatike informacionet bankare me shtetet tjera kur është fjala për klientët e huaj. Kjo për shumëkënd është “varrosje” e sekretit bankar, që është karakteristik për Zvicrën.

Por, sekreti  vazhdon të mbetet i paprekur sa u takon klientëve të vendit.

Një shumicë e qartë në parlament ka vendosur në favor të shkëmbimit automatik të të dhënave. Përfaqësuesit e të majtës e kanë quajtur këtë votim “hap historik”, të cilin e kanë mundësuar me votat e tyre edhe pjesa më e madhe e deputetëve të djathtë.

Ndërsa është mbivotuar SVP/UDC-sja e cila ka këmbëngulur që sekreti bankar të vazhdonte sikur deri tash. Ajo madje ka kërkuar që çështja e automatizimit të mos hynte fare në shqyrtim ose që ajo t`i kthehej mbrapsht Këshillit Federal i cili e kishte sjellë para parlamentarëve për shqyrtim dhe votim.

Në vazhdim, Dhoma Nacionale do të vazhdojë të merret me detajet e projektligjit, i cili më vonë do të shkojë për miratim edhe në Dhomën e Kantoneve.