Përfundon protesta në Tiranë, mijëra shqiptarë në mbështetje të ish-udhëheqësve të UÇK-së

Foto: Memli Krasniqi

Në Tiranë është mbajtur sot protestë në mbështetje të ish-krerëve të Ushtrisë Çlirimtare të Kosovës, të cilët ndodhen në paraburgim në Hagë.

Protesta e thirrur nga ish-udhëheqësit e UÇK-së, me moton “Liria ka emër”, ka mbledhur mijëra protestues nga të gjitha trojet shqiptare, transmeton albinfo.ch.

Pjesëmarrës në protestë ishin figura politike dhe familjarët e ish-krerëve të UÇK-së.

Ish-presidenti Moisiu theksoi rolin e mbështetjes ndërkombëtare për luftën e Kosovës, duke përmendur NATO-n, SHBA-në dhe Perëndimin.

“Zyrtarët amerikanë që po dëshmojnë në Hagë, po sjellin prova se ata janë të pafajshëm. Ata nuk ishin kriminelë, por udhëheqës të lirisë. Është koha të mos heshtim, por të ngremë zërin për të mbrojtur sakrificat e njerëzve tanë. S’mund të pranojmë të nëpërkëmbet gjaku i heronjve të UÇK-së”, deklaroi ai.