Philip Morris shuan 170 vende pune në Zvicër

Nga kjo pritet që në Lozanë të shuhen 140 vende pune ndërsa në Neuchatel 30. Philip Morris punëson në Zvicër afër 3000 punëtorë

Koncerni i duhanit Philip Morris është duke planifikuar një ristrukturim të prodhimit të tij në Zvicër. Si pasojë e këtij ristrukturimi, mund të shuhen, ka bërë të ditur të hënën koncerni amerikan.

Nga kjo pritet që në Lozanë të shuhen 140 vende pune ndërsa në Neuchatel 30. Një pjesë e këtyre vendeve të punës do të barten në shtete të tjera, ku koncerni ka përfaqësitë e veta.

Philip Morris punëson në Zvicër afër 3000 punëtorë. Rreth 1950 prej tyre janë të punësuar në funksione globale dhe regjionale, të cilat janë të prekura nga ristrukturimi.

Të hënën është mbajtur një konsultim me të punësuarit në lidhje me ristrukturimin. Pas përmbylljes së konsultimeve, Philip Morris do të informojë punëtorët e tij dhe autoritetet kantonale lidhur me vendimet që do të marrë, njoftojnë mediet zvicerane

Si rezultat i ngritjes së taksave për prodhimet e duhanit, në Zvicër dhe në gjithë botën, koncerni Philip Morris ka pësuar zvogëlim të dukshëm të fitimeve në nivel global. Në tremujorin e dytë të këtij viti fitimi ka rënë për 8 për qind, duke u ndalur në 2.1 miliard dollarë.