Pothuajse të gjitha firmat zvicerane janë ndërmarrje të vogla dhe të mesme

Tomek Baginski

Studimet e fundit ekonomike tregojnë se pothuajse të gjitha firmat zvicerane (mbi 99%) janë ndërmarrje të vogla dhe të mesme (SME). Këto janë kompani me më pak se 250 punonjës, përcjell albinfo.ch.

Zvicra ka një nga normat më të larta të eksportit si përqindje e produktit të brendshëm bruto. Kompanitë e specializuara dhe fleksibile, të vogla dhe të mesme, karakterizojnë sektorin industrial të përparuar teknologjikisht.

Sektori më i rëndësishëm i ekonomisë në Zvicër është sektori i shërbimeve me bankat dhe sigurimet, turizmin, tregtinë me shumicë dhe me pakicë, administratën publike dhe sigurimet shoqërore. I rëndësishëm për ekonominë zvicerane është përveç kësaj, sektori i industrisë me industrinë mekanike, elektrike dhe metalike, industrinë kimike dhe farmaceutike, teknikën mjekësore, industrinë ushqimore dhe industrinë e orëve. Sektori më i vogël ekonomik është sektori i bujqësisë.