Prifti gjerman vendos shami në kokë, ja për çfarë arsye!

Kritika e tij ishte drejtuar kundër deputetes gjermane në Bundestag, Alice Weidel, që kishte diskriminuar të gjitha ato femra që mbajnë një shami në kokë

Prifti gjerman, Wolfgang Sedlmeier ka shkaktuar emocione gjatë një meshe të mbajtur të dielën në kishën e Aalenit. Pas përfundimit të predikimit, të pranishmit i duartrokitën.

Ai i cili i diskriminon njerëzit që për shkak të arsyeve fetare e kanë mbuluar kokën, është në kundërshtim me dinjitetin njerëzor dhe kundër frymës së Ungjillit Pentekostal, ka potencuar prifti Sedlmeier.

Për të shprehur mllefin e tij kundër diskriminimit të tillë të kohëve të fundit, pas predikimit të tij ai personalisht vendosi një shami dhe iu afrua altarit, shkruajnë mediat gjermane, përcjell Albinfo.ch. Kritika e tij ishte drejtuar kundër deputetes gjermane në Bundestag, Alice Weidel, që kishte diskriminuar të gjitha ato femra që mbajnë një shami në kokë.

Në predikimin e tij, prifti është distancuar nga të gjithë ata që paragjykojnë ndokend për mbajtjen e fesit, shamisë apo ferexhes. Pas përfrundimit të predikimit, prifiti u gjend si zakonisht në dalje të kishës për t`i përcjellur të pranishmit, por kësaj radhe me shami në kokë. Prifti pranoi shumë urata e përgëzime për këtë gjest të guximshëm.
Në rrjetet sociale, prifti ka hasur në shumë kritika, në mesin e të cilave: “Ky prift katolik është duke mbrojtur shaminë, e cila është simbol i shtypjes së femrës”, ka shkruar një përdoruese në Facebook.

Të tjerët janë solidarizuar duke vendosur edhe personalisht shami në kokë.