Pse Facebook po e mbyll sistemin e tij të njohjes së fytyrës dhe po fshin “gjurmët e fytyrës”?

Gjigandi i mediave sociale po i jep fund teknologjisë së tij që identifikon njerëzit përmes njohjes së fytyrës

Facebook ka njoftuar se po fshin rreth 1 miliard “gjurmë fytyrash” që përdori si pjesë e një sistemi të njohjes së fytyrës për etiketimin e fotografive, duke përmendur shqetësimet me teknologjinë.

Meta, kompania e njohur zyrtarisht si Facebook, njoftoi të martën se do t’i jepte fund përdorimit të teknologjisë së njohjes së fytyrës në javët e ardhshme. Një e treta e përdoruesve të Facebook, ose rreth 1 miliard njerëz, kishin zgjedhur shërbimin, tha zëvendëspresidenti i Metës për inteligjencën artificiale, Jerome Pesenti.

Pesenti tha se ndërsa teknologjia e njohjes së fytyrës është një mjet i fuqishëm për të verifikuar identitetin, ajo ka nevojë për kontrolle të forta të privatësisë dhe transparencës për t’i lejuar njerëzit të kufizojnë mënyrën se si përdoren fytyrat e tyre.

“Midis kësaj pasigurie të vazhdueshme, ne besojmë se kufizimi i përdorimit të njohjes së fytyrës është i duhur”, tha ai, shkruan “TheGuardian”, përcjell albinfo.ch.

---