Pse kombëtaren e Shqipërisë e pret ‘grupi i ferrit’

FSHF

Kroacia ka qenë kombëtarja e fundit që i është bashkuar listës së skuadrave që kanë siguruar kualifikimin në EURO 2024. Kështu, është plotësuar numri me 21 skuadrat e kualifikuara, ndërsa tri të tjera do t’u shtohen pas fazës së play-off, për të formuar 24 ekipet që do të marrin pjesë në turne.

Duket qartë që vazoja e parë mban skuadrat e mëdha, me Gjermanin, Portugalinë, Francën, Spanjën, Belgjikën dhe Anglinë.

Në të dytën, ndodhet Danimarka, Hungaria, Austria, Shqipëria, Turqia dhe Rumania. Në vazon e tretë ndodhet Skocia, Sllovakia, Çekia, Sllovenia, Holanda dhe Kroacia. Ndërsa në vazon e fundit, Italia, Zvicra, Serbia dhe tre fituesit e fazës play-off.

Shqipëria pritet të ketë një grup tepër të vështirë, ku me shumë gjasa nuk do të shmanget dot “grupi i ferrit”.

Kombëtarja e Austrisë, Romanisë, Turkisë, Hungarisë dhe ajo e Danimarkës janë vlerësuar këtë vit si ekipe shumë të suksesshme dhe pretendente për të ecur tutje.

Sidoqoftë, kombëtarja e Shqipërisë po zhvillon përgatitje maksimale për të korrur suksese tutje, duke shpresuar në rezultate të mira me këdo që do të përballet. /Albinfo.ch