Qyteti i Cyrihut fillon nismën për të lejuar të huajt të votojnë

Javën e kaluar, qyteti i Cyrihut filloi një iniciativë kantonale për të lejuar të huajt që të votojnë në një nivel komunal në kanton

Në korrik 2019, Corine Mauch, kryebashkiake e Cyrihut, njoftoi planin e saj për të filluar iniciativën.

Nëse iniciativa është e suksesshme, banorët e huaj me leje B ose C të cilët kanë jetuar në Cyrih për të paktën dy vjet, do të lëvizin një hap më afër për të qenë në gjendje të votojnë për zgjedhjet lokale, shkruajnë mediat zvicerane, përcjell albinfo.ch.

Nisma synon të ndryshojë kushtetutën e kantonit për t’i lejuar komunat t’u japin të huajve të drejtën e votës dhe të drejtën për t’u zgjedhur. Ndryshimi nuk do t’i detyronte bashkitë të ofrojnë këto të drejta.

Rreth 42,000 të huaj në qytetin e Cyrihut aktualisht do të kualifikoheshin, sipas një njoftimi për shtyp të qytetit, përcjell tutje albinfo.ch.

Të huajt që jetojnë në kantonet frëngjisht-Vaud, Fribourg, Neuchâtel dhe Jura tashmë mund të votojnë dhe të zgjidhen në një nivel komunal. Në Gjenevë, të huajt mund të votojnë, por jo të zgjidhen.

Në pjesën e Zvicrës ku flitet gjermanisht, kantonet e Graubünden, Basel-Stadt dhe Appenzell Ausserrhoden lejohen bashkitë të japin të drejtën e votës për banorët e tyre të huaj.

---