Rama: Në Durrës do të shemben 12 ndërtesa

1192 banesa, 8 shkolla dhe 1 qendër shëndetësore në Tiranë kanë dëmtime

Së fundi, kryeministri Edi Rama ka përmendur zonat më të dëmtuara në tërmeti. Ai në një deklaratë tha se në Tiranë 1192 banesa kanë pësuar dëmtime.

“Në bllokun e pallateve në Urën e Daljanit, rruga Aleksandër Goga, Shkozet, Thumanë, Bubq dhe Manzë. Në Tiranë 1192 banesa që kanë dëmtime serioze dhe tani 265 pallate kërkojnë vlerësim. 8 shkolla të dëmtuara, një qendër shëndetësorë”, tha Rama.

Nga ana tjetër, në Durrës Rama tha se 19 ndërtesa të dëmtuara janë të pabanueshme, 12 prej të cilave do të prishen.

“Në Durrës kemi 19 ndërtesa të mëdha të dëmtuara, të pabanueshme, 12 prej tyre do të rrënohen. Dje është shembur i pari për 7 të tjerët do të presim një raport të huaj që të kemi garanci të plota. Duhet të angazhojmë të gjithë inxhinierët, por duhet të kemi kujdes nga abuzimi. Kjo do të monitorohet nga një kontroll i dyfishtë”, bëri të ditur Rama, përcjell albinfo.ch.

---