“Risi Albania” informon të rinjtë shqiptarë mbi mundësitë e punësimit

“Risi Albania” është një projekt që synon punësimin e të rinjve shqiptarë, me mbështetjen e SDC (DEZA) zvicerane. Në kuadër të projektit publikohet edhe Buletini Informativ. Këto ditë ka dalë buletini në fjalë, numër 16.

“Kemi kënaqësinë të ndajmë me ju Nr. e 16-të të Buletinit Informativ të projektit Risi Albania dhe t’ju njohim me aktivitetet dhe ecurinë e ndërhyrjeve tona që synojnë rritjen e punësimit për djemtë dhe vajzat e reja përgjatë periudhës janar-mars 2018!”, thuhet në njoftimin që bëjnë bartësit e projektit me këtë rast.

Gjatë kësaj periudhe Risi Albania formosi marrëveshjen e fazës së II-të me pjesëmarrjen e Zv.Kryeministres Senida Mesi dhe Shefes së Bashkëpunimit me Europën Lindore në Agjencinë Zvicerane për Zhvillim dhe Bashkëpunim (SDC), Ambasadorja Ruth Huber.

Ju do të gjeni informacione me interes rreth ndërhyrjeve tona në sektorë të ndryshëm të ekonomisë dhe mundësi të shumta bashkëpunimi për partnerët e rinj.

Lexim të këndshëm të Buletinit Informativ!

Stafi i Risi Albania!