Rohde dënon sulmin: Gjermania e gatshme të mbështesë autoritetet kosovare

Foto Twitter: @GermanAmbKOS

Ambasadori i Gjermanisë në Kosovë, Jorn Rohde, e ka dënuar fuqishëm sulmin në kanalit e ujit Ibër-Lepenc, në Zubin Potok.

Rohde në një postim në platformën X ka shpërndarë postimin e Shefit të Zyrës së BE-së në Kosovë, Aivo Orav, njëherësh ka bërë thirrje për hetim të plotë dhe vënien e autorëve para drejtësisë.

“Dënoj fuqishëm sulmin në kanalin e ujit në Zubin Potok që prek komunitetet në mbarë Kosovën. U bëjmë jehonë thirrjeve për hetim të plotë dhe vënien e autorëve para drejtësisë. Gjermania është e gatshme të mbështesë autoritetet kosovare”, ka shkruar Rohde në X.