Rrëzohet aeroplani, tre të vdekur

Dy veta kanë vdekur në vend ndërsa i treti, nga lëndimet e rënda të pësuara, ka vdekur në orët e vona të natës në spital

ilustrim

Pasditen e të martës është rrëzuar një aeroplan i vogël shkollor në afërsi të sheshit të fluturimeve në Kägiswil të kantonit Obwalden. Për pasojë kanë vdekur në vend dy meshkuj që ndodheshin në aeroplan ndërsa i treti, nga lëndimet e rënda të pësuara, ka vdekur në orët e vona të natës në spital, njofton policia. Shkaqet e aksidentit mbeten ende të pasqaruara.

Megjithatë mendohet se moti me stuhi që ka mbretëruar pasditen e djeshme në atë regjion mund të ketë qenë shkaktari, njofton nlz.ch.

Pjesëtarë të forcave të shpëtimit kanë thënë se në njëzet vitet e fundit nuk ka pasur aksident më të rëndë të kësaj natyre në regjion.

Prokuroria Federale ka nisur hetimet rreth rastit.