Rritet mundësia e kreditimit për bizneset në Kosovë

Balija potencoi rëndësinë e zgjidhjes së çështjes së titujve pronësore për t’u mundësuar ekonomive familjare në Kosovë që të financojnë më lehtë dhe më lirë pronën e tyre të banimit, pasi që kjo është një parakusht i rëndësishëm i mirëqenies socio-ekonomike të secilës familje.

Shoqata e Bankave të Kosovës ka njoftuar se bankat e Kosovës kanë rritur kreditimin për biznese këtë vit, duke arritur në 11.3%, e që është rritja më e madhe në tre vjetët e fundit. Sipas drejtorit ekzekutiv të Shoqatës së Bankave të Kosovës, Petrit Balija, kjo rritje paraqet edhe rritje të qasjes në financa për bizneset.

Ai tha se kjo është bërë duke mbështetur zgjerimin e bizneseve dhe rritjen e punësimit në Kosovë nga sektori real. Balija potencoi punën e rëndësishme që janë duke bërë institucionet financiare, përkatësisht bankat e Kosovës për të financuar zhvillimin ekonomik të vendit, i cili është ngushtë i ndërlidhur me perspektiven e Kosovës dhe zhvillimin e mëtutjeshëm social dhe ekonomik.

Balija potencoi rëndësinë e zgjidhjes së çështjes së titujve pronësore për t’u mundësuar ekonomive familjare në Kosovë që të financojnë më lehtë dhe më lirë pronën e tyre të banimit, pasi që kjo është një parakusht i rëndësishëm i mirëqenies socio-ekonomike të secilës familje.

---