Rritje e ndjeshme e numrit të të prekurve nga HIV

Fjala është për një rritje të numrit të të infektuarve, prej 15%. Shtim më i madh është shënuar te homoseksualët. 274 diagnoza të tyre kanë dalë pozitive

Pas një periudhe të rënies sërish në Zvicër është shënuar një ngritje e numrit të të prekurve me HIV , bëhet e ditur në një përgjigje që javën e kaluar Qeveria e Zvicrës i ka dhënë një pyetjeje të bërë në parlament.  

Fjala është për një rritje shqetësuese të numrit të të infektuarve, prej 15%.

Shtimi i referohet në radhë të parë homoseksualëve. 274 diagnoza të tyre kanë dalë pozitive gjatë vitit 2012, që është për 28 më shumë se një vit më parë. Ndërkaq, përmes marrëdhënieve seksuale të personave të gjinive të ndryshme janë infektuar 264 persona ose 5 më shumë se vitin e kaluar. Po kështu vetëm pesë raste më shumë janë shënuar edhe te infektimi përmes konsumit të drogës, ose 30 raste  gjithsej.

Sidoqoftë, këto të dhëna janë marrë nga mjekët dhe nuk janë përfundimtare. Një analizë të plotë do ta publikojë Zyra Federale për Shëndetësi (BAG) gjatë muajit maj