Sa njerëz kanë mbetur pa strehë dhe sa objekte janë shkatërruar në Shqipëri?

KeystoneEPA/VALDRIN XHEMAJ

Qindra pallate dhe mijëra banesa të dëmtuara, është bilanci provizor i tërmeteve që kanë goditur vendin prej orëve të para të 26 nëntorit, ku lëkundja kryesore ka qenë me magnitudë 6,4 ballë.

Në rang kombëtar janë rreth 7000 banesa të dëmtuara, gjysma e të cilave kanë dëmtime të rënda. Ndërkohë që janë mbi 800 pallatet e prekur nga tërmetet.

Nga këto raportohet se 20 pallate janë shpallur si të pabanueshme pas verifikimit, ndërsa po vijon shembja e objekteve që tërmeti i la të rrënuara tërësisht.

Sipas raportit provizor nga tërmeti janë shembur në total 131 banesa, teksa mbi 5000 persona janë strehuar në hotele, çadra dhe të afërm.