„Save the Children”: Në minutë vdesin dy foshnje në mbarë botën

Organizata „Save the Children” ka publikuar në Londër raportin e saj vjetor mbi gjendjen e nënave në botë

“State of the World´s Mothers” është titulluar raporti i sivjetmë i „Save the Children”.

Raporti i organizatës analizon mirëqenien e nënës, mirëqenien e fëmijës dhe mirëqenien e përgjithshme të gruas në 176 vende të botës. Të dhënat janë përfituar nga statistikat dhe të dhënat e Organizatës Botërore të Shëndetësisë, UNICEF-it dhe Bankës Botërore.

Në raportin e vitit 2013 renditjen më të mirë e gëzojnë vendet skandinave, si Finlanda, Suedia dhe Norvegjia.

Në raport thuhet se për çdo vit vdesin më shumë se një milion foshnja në ditët e para të jetës. “Në minutë vdesin dy foshnja në mbarë botën”, tha Kathrin Wieland nga „Save the Children”.

Më kritike megjithatë mbetet situata për nënat në Kongo. Studimi i „Save the Children” po ashtu konstaton se të sapolindurit kanë shansin më të madh të mbijetesës në Luksemburg.

Në mesin e vendeve të industrializuara, në SHBA është rreziku më i madh i vdekjes së foshnjave.