Shkoi për shëtitje në mal, zhduket aktori britanik në Kaliforninë jugore

Pixabay

Aktori britanik, Julian Sands, është raportuar i zhdukur pasi shkoi në shëtitje në malet San Gabriel javën e kaluar.

65-vjeçari u raportua i zhdukur në zonën Baldy Bowl të premten, gjatë motit të keq në Kaliforninë jugore.

Policia tha se ekipet e shpëtimit tokësor u tërhoqën nga mali fundjavën e kaluar për shkak të rreziqeve të ortekëve, por kërkimet vazhdojnë me dron dhe helikopter.

Mr Sands është i njohur për rolet në filma të njohur dhe drama televizive, duke përfshirë A Room With A View, 24 dhe Smallville.

Në një deklaratë të ndarë me agjencinë e lajmeve, departamenti i Sherifit të Qarkut San Bernardino tha se Sands u raportua i zhdukur rreth orës 19:30 me orën lokale të së premtes 13 janar.

Ekipet e kërkimit dhe shpëtimit të departamentit “u përgjigjën dhe filluan një kërkim”, shtoi ai.

Policia shtoi se kërkimet tokësore do të planifikoheshin kur të përmirësohej moti dhe kushtet të ishin më të sigurta për ekipet e shpëtimit.