Shqipëri: Berisha fton shqiptarët të bllokojnë Erion Velijajn

Gjatë fjalës së tij të radhës nga dritarja e shtëpisë, Sali Berisha paralajmëroi një tjetër protestë të opozitës këtë të premte.

Ish-kryeministri ftoi shqiptarët dhe opozitarët të mos lejojnë kthimin në vend të Erion Veliajt, i cili sipas tij ndodhet në Holandë, aty ku janë fshehur dhe të akuzuarit e tjerë të aferës së inceneratorëve.

“Erion Veliaj, sot nga Hanoveri shkon nesër në Holandë për të takuar hajdutët ku ka çuar paratë e inceneratorit. Askund në botë nuk do mund të kthehej në aeroport ky hajdut. Ndaj dhe betejë, betejë, betejë gjer në fitore. E premtja është dita e triumfit. Dita e fitores. Dita e ngadhënjimit. Dita e drejtësisë”, deklaroi Berisha.